Brailvi Books

 ( ۱؎ مجموعہ خانی)

الجواب

(۱) اللہ عزوجل فرماتاہے:

ان اﷲ لایأمر بالفحشاء ۲؎

بیشک اللہ عزوجل بے حیائی کا حکم نہیں فرماتا۔

 (۲؎ القرآن        ۷/۲۸)

ایک عورت پر دو مردو ں کااجتما ع صریح بے حیائی ہے، جسے انسان تو انسان  جانوروں میں بھی جو سب سے خبیث تر ہے یعنی خنزیر وہی روا رکھتا ہے۔ حرمت زنا کی حکمت نسب کا محفوظ رکھنا ہے، ورنہ پتا نہ چلے کہ بچہ کس کا ہے۔ اگر عورت سے د ومردوں کا نکاح جائز ہو تو وہی  قباحت کہ زنا میں تھی یہاں بھی عائد ہو معلوم نہ ہوسکے کہ بچہ کس کا ہے۔ واللہ تعالٰی اعلم۔

(۲) جسے زنا کا حمل ہو والعیا ذباللہ تعالٰی اور وہ شوہر دار نہ ہو  اس سے زانی وغیرزانی ہر شخص کا نکاح جائزہے فرق اتنا ہے کہ غیر زانی کو اس کے پاس جانے کی اجازت نہیں جب تک وضع حمل نہ ہولے، اور جس کا حمل ہے وہ نکاح کرے تو اسے قربت بھی جائز،

درمختارمیں ہے:

صح نکاح  حبلی من زنا وان حرم وطؤھا و دواعیہ حتی تضع لئلا یسقی ماءہ زرع غیرہ اذ الشعر ینبت منہ ولونکح الزانی حل لہ وطؤھا اتفاقا ۱؎۔

زنا سے حاملہ کا نکاح صحیح ہے اگر چہ اس سے وطی اور اس سے متعلقہ امور حرام ہیں جب تک وہ بچے کو جنم نہ دے تاکہ اس کا پانی غیرکی کھیتی کو سیراب نہ کرے یہ اس لیے کہ جماع سے حاملہ کے بچے کو بال اگتے ہیں، اور اس سے خود زانی نے نکاح کیا تو اس کو جماع بھی جائز ہے۔ (ت)

 (۱؎ درمختار     کتاب النکاح    فصل فی المحرمات    مجتبائی دہلی    ۱/۱۸۹)

زید کا قول محض غلط ہے اور اس کا کہنااگرچہ حاملہ اسی مردسے ہے جب بھی نکاح جائز نہیں شریعت پر افترا ہے بلکہ صحیح ومفتی بہ یہ ہے کہ اگر چہ حمل دوسرے کا ہو جب بھی نکاح جائز ہے اوراس کا کہنا کہ شاہد وحاضران محفل کے ٹوٹ جاتے ہیں افتراء برافتراء ہے، مجموعہ خانی سے جو عبار ت اس  نےنقل کی ہے صراحۃً اس کے خلاف ہے۔

اگر عورت را از زنا حمل ماندہ است خواستن اورواست ونزدیکی کردن روانیست تاآنکہ نزاید۔

اگر عورت زنا سے حاملہ ہوجائے تو اس سے نکاح جائز اور جماع جائز نہیں جب تک بچے کو جنم نہ دے دے۔ (ت)

اور وہ جو اسی سے نقل کیا کہ:

حربیہ کہ داراالاسلام آمدہ است وحاملہ تا نزاید نکاح نہ کند ۲؎۔

حربی عورت اگر دارالاسلام آجائے اگر حاملہ ہو تو بچے کی پیدائش تک وہ نکاح نہ کرے۔ (ت)

 (۲؎ مجموعہ خانی)

یہ اس میں ہے کہ حربی کافر کی  حاملہ عورت دارالاسلام میں آکر مسلمان ہوگئی نہ کہ حمل زنا میں، واللہ تعالٰی اعلم