Brailvi Books

پھر بلا شبہہ ظاہر ہے ہماری بحث اصل نکاح کے وجودمیں ہے تو لڑکی کا انکار اور رد ایجاب بغیر قبول ہوگا لہذا لڑکی کی بات معتبر ہوگی قولہ ''مگر یہ کہ خاوند گواہ پیش کرے'' یعنی اس کی گواہی کو ترجیح ہوگی کیونکہ خاوند اورلڑکی دونوں کے گواہ اثبات میں مساوی ہیں لیکن خاوند کی طرف سے گواہی میں نکاح کے ثبوت کے ساتھ لزوم نکاح بھی ثابت ہوتی ہے جس کی وجہ سے اس کو ترجیح ہوگی، شروح میں ایسے ہی بیان ہے، اوراس کو نہایہ میں تمرتاشی کی طرف منسوب کیا ہے، بہت سی کتب فقہ میں ایسے ہی ہے لیکن خلاصہ میں خصاف کی ادب القاضی سے منقول ہے کہ لڑکی کی طرف کی گواہی کو ترجیح ہوگی، تو اس طرح اس مسئلہ میں مشائخ کا اختلاف سامنے آیا ہے، ہوسکتاہے اس کی وجہ یہ ہو کہ سکوت پر لڑکی کی شہادت سے لزوم نکاح متحقق نہ ہوتا ہو لہذا یوں خاوند کی طرف سے شہادت زیادہ اثبات نہ کرسکتی ہو جب تک کہ گواہ صراحۃ اجازت کی بات نہ کریں، یوں ہی فتح میں ہے اورا س کی اتباع بحر نے کی ہے، اس سے حاصل یہ ہوا کہ دونوں قولوں میں موافقت یوں ہوگی کہ پہلے یعنی خاوند کی شہادت کی ترجیح کو اس صورت پر محمول کریں کہ جب گواہوں نے تصریح کی ہو کہ لڑکی نے کہا ہے ''میں اجازت دیتی ہوں __ یا راضی ہوں'' اور دوسرے قول یعنی لڑکی کی شہادت کی ترجیح کو اس صورت پر محمول کریں گے کہ گواہوں نے شہادت میں کہا ہو کہ ''اس نے اجازت دی یا راضی ہوئی تھی'' جس میں گواہوں کے سکوت کو رضا قرار دیا ہو، اس میں غور کرو، اھ ملتقطا،

(۱؎ ردالمحتار    باب الولی        داراحیاء التراث العربی بیروت    ۲/۳۰۳)

 وفی الھندیۃ لو اقام الزوج البینۃ انھا اجازت العقد حین اخبرت واقامت البینۃ انھا ردت حین اخبرت کانت البینۃ بینۃ الزوج کذا فی السراج الوھاج ۱؎۔

اور ہندیہ میں ہے اگر خاوند یہ شہادت پیش کرے کہ لڑکی کو جب نکاح کی خبر ملی تو اس نے نکاح کو جائز قرار دیا، اور لڑکی یہ شہادت پیش کرے جب مجھے خبرملی تو رد کردیا تھا تو اس صورت میں خاوند کی شہادت معتبر ہوگی، یونہی سراج وہاج میں ہے۔ (ت)

(۱؎ فتاوی ہندیہ        باب الاولیاء        نورانی کتب خانہ پشاور    ۱/۲۸۹)

رہی باپ کی ناراضی، وہ صحت ونفاذ میں خلل انداز نہیں جبکہ عورت حرہ، عاقلہ، بالغلہ اور شوہر کفو ہے،

فی الدرالمختار نفذ نکاح حرۃ مکلفۃ بلارضی ولی ویفتی فی غیر الکفو بعدم جوازہ اصلا ۲؎ اھ ملخصا وفیہ لاتجبر البالغۃ البکر علی النکاح لانقطاع الولایۃ بالبلوغ ۳؎ اھ۔

درمختار میں ہے: آزاد، عاقلہ، بالغہ کا اپنا نکاح ولی کی رضاکے بغیر صحیح ہے، اوریہ نکاح غیر کفو سے ہوا تو ناجائز ہونے کا فتوی ہوگا اھ ملخصا، اور اسی میں ہے کہ باکرہ بالغہ پر نکاح کے بارے میں جبر نہیں کیا جائے گا کیونکہ بلوغ کی وجہ سے اس پر جبر کی ولایت ختم ہوجاتی ہے اھ (ت)

 (۲؎ درمختار        باب الولی        مطبع مجتبائی دہلی    ۱/۱۹۱)

(۳؎ درمختار        باب الولی        مطبع مجتبائی دہلی    ۱/۱۹۱)

 ہاں اگر مہر مثل میں کمی فاحش واقع ہوئی تو باپ کو حق اعتراض حاصل ہے یہاں تک کہ مہر مثل پورا کردیا جائے یا قاضی زن وشوہر میں تفریق کردے،

فی الدرالمختار لونکحت باقل من مھرھا فللولی العصبۃ الاعتراض حتی یتم مھر مثلھا اویفرق القاضی بینھما دفعا للعار ۴؎ اھ ۔ واﷲ تعالٰی اعلم۔

درمختار میں ہے: اگر عاقلہ بالغہ نے قلیل مہرپر نکاح کیا تو ولی عصبہ کو مہر تام کرنے تک اعتراض کا حق  ہے مہر مثل تام کرے یا پھر قاضی خاوند بیوی میں تفریق کردے تاکہ ولی کی عار ختم ہوسکے، واللہ تعالٰی اعلم۔ (ت)

(۴؎ درمختار        باب الکفاءۃ       مطبع مجتبائی دہلی  ۱/۱۹۵)