Brailvi Books

فتاویٰ رضویہ جلد نمبر۳(کتاب الطہارۃ)

4 - 166

اقول: یہ رقت بالفعل (۲)ہے اور مائع کا اس قابل ہونا کہ چھاننی میں باریک اجزاء پر منقسم ہو  سکے

رقت بالقوہ یہی ان مسائل میں ملحوظ ومبحوث عنہ ہے۔

ثم اقول: جانب زیادت انتہائے رقت تو جواہر فردہ پر ہے کہ اُن سےزیادہ باریکی محال ہے باقی ایک مائع دوسرے کے اعتبار سےرقیق اضافی ہے گائے کا دودھ ہر حال میں بھینس کے دُودھ سےرقیق ہے مگر برسات کی گھاس چرے اور کھلی اور دانہ کھائے تو خود اُس کی پہلی صورت کا دودھ دوسری سےرقیق تر ہے یوں ہی یہ اختلاف بکری کے دودھ سےنہ جمی ہوئی راب تک متفاوت ہے اور جانب کمی اُس کی انتہا اختتام سیلان پر ہے۔ جب شی سائل نہ رہے گی یہاں سےظاہر ہوا کہ رقیق بالقوہ وسائل بجائے خود متساوی  ہیں ہر رقیق بالقوہ سائل ہے اور ہر سائل رقیق بالقوہ عام ازیں کہ کپڑے سےنچڑ   سکے جیسے پانی یا نہیں جیسےتیل، گھی، شیر، شہد وغیرہا۔ اب رہا یہ کہ جب رقت مبحوث عنہا اجزائے لاتتجزی سےاخیر حد مائع تک بتفاوت شدید پھیلی ہوئی ہے تو یہاں جس مقدار کی انتفا پر زوال طبع آب   کہتے  ہیں اُس کی تحدید کیا ہے۔ پانی کس حد کی رقت تک نامتغیر کہا جائے گا اور کیسا ہو کر زائل الطبع کہلائے گا یہی اصل مقصد بحث ہے اس کا انکشاف بعونہٖ تعالٰی بحث آئندہ کرتی ہے وباللّٰہ التوفیق٭ ولہ الحمد علی ھدایۃ الطریق٭ وصلی اللّٰہ تعالٰی سیدنا ومولٰنا محمد واٰلہٖ وصحبہٖ اولی التحقیق۔

بحث چہارم رقت معتبرہ مقام کی حدبست۔

اقول رأیت العبارات فیہ علی ثلثۃ مناھج۔میں کہتا ہوں میں  نے اس سلسلہ میں تین قسم کی عبارات دیکھیں:

الاول: قال فی الغنیۃ لاتجوزبالمقیدکماء الزردج اذا کان ثخیناامااذاکان رقیقاعلی اصل سیلانہ فتجوز کماء المد ونحوہ ثم قال مادام رقیقا یسیل سریعا کسیلانہ عند عدم المخالطۃ فحکمہ حکم الماء المطلق ثم قال وضابطہ بقاء سرعۃ السیلان کماھو طبع الماء قبل المخالطۃ ثم قال (لوبل الخبز فی الماء ان بقیت رقتہ)کماکانت (جازوان صار ثخینا لا ۱؎اھ)

پہلی: غنیہ میں فرمایامقید سےجائز    نہیں،جیسےزردج کاپانی جبکہ گاڑھا ہو، اور جب گاڑھا نہ ہو اور اصلی سیلان پر ہو توجائز ہے، جیسےسیلاب وغیرہ کا پانی۔ پھر فرمایا جب تک رقیق ہو جلدی بہتا ہو جیسےمخالطت کے نہ ہونے کے وقت بہتا ہے، تو اس کا حکم مطلق پانی جیسا ہے پھر فرمایا اور اس کا ضابطہ یہ ہے کہ تیزی سےسیلان کا باقی رہنا، جیسا کہ وہ پانی کی طبیعت ہے مخالطت سےپہلے، پھر فرمایا (اگر روٹی پانی میں تر ہوگئی تو اگر اس کی رقت باقی ہے)جیسےکہ پہلے تھی (تو جائز ہے اور اگر گاڑھا ہوگیا تو جائز    نہیں) اھ