Brailvi Books

بزرگ جب کوئی دعا کرنا چاہتے ہیں تو پہلے دوسروں کے لیے دعا کرتے ہیں اور اپنے لئے بھی جمع کے صیغہ سے دعا کرتے ہیں ،ان عملوں کا ماخذ یہ حدیث ہے ۔ یہ عمل بھی ہے کہ پہلے اپنے لئے دعا کر لے پھر دوسرے کے لئے رَبِّ اغْفِرْلِیْ وَلِوَالِدَیّّ(یعنی اے میرے رب میری مغفرت فرما اور میرے والدین کی)۔(مراٰۃ المناجیح،۳/۲۹۳)
دوسروں کی سلامتی مانگو تمہیں بھی سلامتی ملے گی 
	حضرت سیدنا ابواسحاق شیرازیعلیہ رحمۃُ اللہِ القوی کو فقہائے کرام کے درمیان شیخِ مُطْلَق کہا جاتا ہے،اس کی وجہ یہ منقول ہے کہ آپ رحمۃُ اللہ تعالٰی علیہ خواب میں سرکارِ دو عالم،نُورِ مجَسَّم صلَّی اللہ تعالٰی علیہ واٰلہٖ وسلَّم کی زیارت سے مشرف ہوئے تو عرض کی:مجھے ایسے کلمات سکھائیے جن کی بدولت میں نجات پاسکوں۔سرکارِ مدینہ، قرارِ قلب وسینہ صلَّی اللہ تعالٰی علیہ واٰلہٖ وسلَّمنے ارشاد فرمایا:اے شیخ!دوسروں کے لئے سلامتی طلب کرو ،تمہیں بھی سلامتی نصیب ہوگی۔(فیض القدیر،۱/۶۸۸)
صَلُّوا عَلَی الْحَبِیب ! 		صلَّی اللہُ تعالٰی علٰی محمَّد
(27)ظالم اپنے انجام کو پہنچا
	طبرستان کا ایک ظالم وبدکار بادشاہ شہر کی کنواری لڑکیوں کا گوہرِ عِصمت لُوٹا کرتا تھا ۔ ایک دن اس نے ایک غریب بڑھیا کو پیغام بھجوایا کہ آج وہ اس کی بیٹی کے پاس آئے گا۔ یہ جان لیوا خبر سن کر غریب بڑھیا اس وقت کے مشہور ولی حضرت سیدناشیخ ابو سعید قَصّاب علیہ رَحمۃُ اللہِ التَّوّاب کی خدمت میں حاضر ہوئی اور رو رو کر دردِ