Brailvi Books
 |
جیسی کرنی ویسی بھرنی |
17 - 107
صدر ہیں یا وزیر ہیں ، استاذ ہیں یا پیرہیں ، مؤذِّن ہیں یا امام وخطیب ہیں جو کچھ بھی ہیں بِغیر شرمائے توبہ بھی کیجئے اور اُس بندے سے مُعافی مانگ کر اس کو راضی بھی کر لیجئے ورنہ جہنَّم کا ہولناک عذاب برداشت نہیں ہوسکے گا ۔ صَلُّوا عَلَی الْحَبِیب ! صلَّی اللہُ تعالٰی علٰی محمَّد (7) ٹھٹھہ مسخری کرکے ستانے والے کی سزا ایک شخص حضرت سیدنا ابو محمدحبیب عجمیعلیہ رحمۃُ اللہِ القویسے اکثر ہنسی مذاق اور تفریح کرکے آپ کو تنگ کرتا تھا،آپ نے دعا فرمائی تو وہ بَرَص کے مرض میں مبتلا ہوگیا۔(جامع العلوم والحکم،ص۴۵۸) لوگوں کا مذاق اُڑانے والے کا انجام سرکارِ عالی وقار، مدینے کے تاجدارصلَّی اللہ تعالٰی علیہ واٰلہٖ وسلَّم نے ارشاد فرمایا : بلا شبہ لوگوں کا مذاق اُڑانے والے کے لئے جنت کا دروازہ کھول کر اسے بلایا جائے گا:آؤ ،قریب آؤ،جب وہ آئے گا تودروازہ بند کر دیا جائے گا ،اسی طرح کئی بار کیا جائے گا یہاں تک کہ جب اس کے لئے پھر دروازہ کھول کر اسے بلایاجائے گا:آؤ آؤ قریب آؤ، تو وہ نااُمیدی اور مایوسی کے مارے نہیں آئیگا۔ (شعب الایمان،باب فی تحریم اعراض الناس،فصل فیما ورد من الاخبار۔۔الخ، ۵/۳۱۰،حدیث: ۶۷۵۷) مذاق میں بھی ڈرانے سے روکا حضرتِ سیِّدُناابن ابی لیلی رضی اللہ تعالٰی عنہمافرماتے ہیں : صحابہ کرام