Brailvi Books
 |
حقوق العباد کیسے معاف ہوں |
11 - 46
بسم اللہ الرحمن الرحیم رسالہ أعْجَبُ الإمْدَاد في مُکَفِّرَاتِ حُقُوْقِ العِبَاد ۱۳۱۰ھـ (بندوں کے حقوق کا کفارہ ادا کرنے والے امور کے بارے میں انتہائی حیران کن امداد) مسئلہ:حق العباد بھی کسی طرح معاف ہو سکتا ہے بغیر اس کے معاف کے، جس کا حق ہے صاف اِرقام (تحریر) فرمائیے ، اور حق العباد کس قدر ہیں ؟بَیِّنُوْا تُؤْجَرُوْا ( بیان فرمائیے، اجر پائیے )۔ الجواب حق العبد ہر وہ مطالبۂ مالی ہے کہ شرعا ًاس کے ذمہ کسی کے لئے ثابت ہو اور ہر وہ نقصان وآزار (تکلیف) جو بے اجازتِ شرعیہ کسی قول، فعل، تَرْک سے کسی کے دِین، آبرو، جان، جسم، مال یا صرف قلب کو پہنچایا جائے۔ تو یہ دو قسمیں ہوئیں ، اول کو دُیُون(1)، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مـــــــــــــــــــــــــــــــــــــــــــــــــــــــــــــــــــــــــدینـــہ (1) دُیون دَین کی جمع ہے۔ دَین کی تعریف: ایسی چیز جو کسی کے ذمہ کسی عقد یا فعل کے سبب لازم ہوجائے ’’دَین‘‘ ہے۔ مثلا: ادھار خرید وفروخت کی وجہ سے جوچیز ذمہ پر لازم ہو، اسے ’’دَین ‘‘ کہتے ہیں ،ایسے ہی کسی کی چیز کو ہلاک کرنے پر جو ضمان (تاوان) لازم آتا ہے ، اسے بھی ’’دَین‘‘ کہتے ہیں ،اور اسی طر ح کسی سے روپے پیسے قرض لینے کی صورت میں جو چیز ذمہ پر واپس دینا لازم آئے ، اسے بھی ’’ دَین‘‘ کہتے ہیں۔ (’’القاموس الفقہي‘‘، ص۱۳۳)۔