Brailvi Books

کہ جیسے ہی کوئی برائی نظر آئے تو حکمتِ عملی سے اسے روک دیا جائے کیونکہ کسی مسلمان کو گناہ کرتے دیکھ کر اسے روک دینا یقیناً بہت بڑی بھلائی اور سعادت ہے۔ غیبت تو ایک بہت ہی قبیح گناہِ کبیرہ ہے، اس سے اپنے آپ کو بچانا اور دیگر مسلمانوں کو بچنے کی ترغیب دلانا بے حد ضروری ہے۔چنانچہ، 
مدنی مشورہ:
غیبت کی تعریف، اس کی مختلف مثالیں، تباہ کاریاں اور اس سے متعلقہ دیگر امور پر مشتمل دعوت اسلامی کے اشاعتی ادارے مکتبۃُ المدینہ کی مطبوعہ 504 صفحات پر مشتمل، شیخ طریقت امیر اہلسنّت حضرت علامہ مولانا ابو بلال محمد الیاس عطار قادری رضوی ضیائی دَامَتْ بَرَکَاتُہُمُ الْعَالِیَہکی مایہ ناز تصنیف ’’غیبت کی تباہ کاریاں‘‘ کا ضرور مطالعہ فرما لیجئے۔ اِنْ شَآءَاللہ عَزَّ وَجَلَّ اس گناہِ کبیرہ سے بچنے اور دوسروں کو بچانے کا مدنی ذہن ملے گا۔
اُمت کی خیر خواہی:
مروی ہے کہ حضرت سیِّدُنا سعد بن ابی وقاص رَضِیَ اللّٰہُ تَعَالٰی عَنْہ جب نماز کے لئے باہر تشریف لاتے تو کامل رکوع وسجود کے ساتھ مختصر نماز ادا فرماتے لیکن جب گھر میں نماز ادا فرماتے تو طویل نماز پڑھتے۔ کسی نے وجہ پوچھی تو ارشاد فرمایا: