Brailvi Books

 جب کہ دریا میں  سے انسان جیسی کوئی چیز مل جائے اور اُس کا لُعاب یعنی تھوک لے کر اُس کی بَرَص والی جگہ پر ملا جائے اور یہ بھی اُسی وَقۡت ممکن ہے جب فُلاں دن اورفُلاں مہینا ہو اور سورج بھی خوب روشن ہو۔‘‘ جب وہ دن آگیا تو فرعون نے دریاکے کنارے مَحۡفِل سجائی، اُس کے ساتھ اُس کی زوجہ حضرتِ سیّدتنا آسِیہ(رَضِیَ اللہُ تَعَالٰی عَنْہا) بھی تھیں (جو کہ بعد میں  حضرتِ سیِّدُنا موسیٰ عَلٰی نَبِیِّناوَعَلَیْہِ الصَّلٰوۃُ وَالسَّلام پر ایمان لے آئی تھیں )، دریائے نِیل سے ایک نَہۡر نکل کر فرعون کے مَحَل کی طرف آتی تھی، یکایک ایک صندوق (BOX)  دریا کی موجوں  میں  ہِچکولے کھاتا ہوا آیا اور ایک درخت کے پاس آکر ٹھہر گیا ۔ فرعون نے حکم دیا: