Brailvi Books
 |
روزے کے اہم مسائل |
20 - 33
بِسْمِ اللہِ الرَّحْمٰنِ الرَّ حِیْم اَلْجَوَاب بِعَوْنِ الْمَلِکِ الْوَھَّاب اَللّٰھُمَّ ھِدَایَۃَ الْحَقِّ وَا لصَّوَاب دورانِ سفر آپ کویت کے ٹائم پرہی روزہ افطارکریں گی ۔کویت میں ہوتے ہوئے جرمنی کے افطارکے ٹائم کا انتظارنہیں کیاجائے گا۔کیونکہ جو جہاں ہو وہیں کے اوقات کے مطابق نماز اور سحر و افطار کرے گا۔ وَاللہُ اَعْلَم عَزَّ وَجَلَّ وَرَسُوْلُہ ٗ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کتبـــــــــــــــــــــــــــہ ابومحمد علی اصغر العطاری المدنی 09رمضان المبارک 1434ھ19جولائی 2013ء فدیہ ادا کرنے کی اجازت کس شخص کو ہے؟ کیا فرماتے ہیں علمائے دین و مفتیانِ شرع متین اس مسئلے کے بارے میں کہ ایک شخص شوگر، بلڈ پریشر اور گرد ے کا مریض ہے روزہ نہیں رکھ سکتا اس کیلئے کیا حکم ہے ؟اسکے ایک روزے کا فدیہ کیا ہو گا اور پورے رمضان کے روزوں کے فدیہ کی کتنی رقم بنتی ہے ؟ سائل: منیر بخش (لائنز ایریا ، باب المدینہ کراچی ) بِسْمِ اللہِ الرَّحْمٰنِ الرَّ حِیْم اَلْجَوَاب بِعَوْنِ الْمَلِکِ الْوَھَّاب اَللّٰھُمَّ ھِدَایَۃَ الْحَقِّ وَا لصَّوَاب روزہ کی بجائے اس کا فدیہ ادا کرنے کا حکم شیخِ فانی کیلئے ہے، مریض کیلئے نہیں ۔ شیخِ فانی وہ شخص ہے کہ جو بڑھاپے کے سبب اتنا کمزور ہو چکا ہو کہ حقیقتاً روزہ رکھنے کی طاقت نہ ہو،نہ سردی میں نہ گرمی میں،نہ لگاتار نہ متفرق طور پر اور نہ ہی آئندہ زمانے