Brailvi Books
 |
فیضانِ اِحیاءُ العُلوم |
6 - 325
میں علم کے مطابق عمل کرتے ہیں دوسرا شخص کہتا ہے اگر اللہ (عزوجل) نے مجھے اسکی مثل دیا ہوتا تو میں بھی اس کی طرح عمل کرتا ، پس ان دونوں کا اجر ایک جیسا ہے دوسرا وہ شخص ہے جسے اللہ (عزوجل) نے مال دیا اور علم نہیں دیا وہ اپنی جہالت کی وجہ سے مال کو فضول کاموں میں خرچ کرتا ہے تو ایک اور شخص کہتا ہے کہ اگر اللہ (عزوجل) مجھے بھی مال دیتا تو میں بھی اس کی طرح خرچ کرتا تو یہ دونوں گناہ میں برابر ہیں'' ( سنن ابن ماجہ ص ۳۲۲، ابواب الزھد)
گھر بیٹھنے والے غازی :
میٹھے میٹھے بھائیو ! اسی طرح حضرت سیدنا انس بن مالک (رضی اﷲ تعالیٰ عنہُ) کی حدیث مبارکہ ہے کہ جب نبی اکرم ، شاہ بنی آدم صلی اﷲ تعالیٰ علیہ والہ وسلم غزوہ تبوک کیلئے تشریف لے گئے تو فرمایا '' ہم جو بھی وادی طے کرتے ہیں یا کسی ایسی جگہ کو برباد کرتے ہیں جسکی وجہ سے کفار کو غصہ آئے یا ہم راہ خدا میں مال خرچ کرتے ہیں یا ہم بھوکے ہوتے ہیں تو مدینہ طیبہ میں بھی کچھ لوگ ہیں جو ان تمام باتوں میں ہمارے ساتھ شریک ہوتے ہیں صحابہ کرام علیہم الرضوان نے عرض کیا یا رسول اللہ صلی اﷲ تعالیٰ علیہ والہ وسلم وہ کیسے؟ جبکہ وہ تو ہمارے ساتھ نہیں ہیں۔ فرمایا، انہیں عذر نے روک رکھا ہے''۔ (سنن کبریٰ للبیہقی جلد ۹، ص ۲۴، کتاب السیر) میٹھے میٹھے اسلامی بھائیو!اس روایت سے معلوم ہوا کہ وہ لوگ اچھی نِیّت کی وجہ سے اجر حاصل کر رہے تھے چنانچہ حضرت سَیِّدُنَا عبد اللہ بن مسعود رضی اﷲ تعالیٰ عنہُ روایت فرماتے ہیں:
مَنْ ھَاجَرَ یَبْتَغِیْ شَیْئًا فَھُوَ لَہٗ