Brailvi Books

مشہور بزرگ حضرت سیدنا مالک بن دینار رحمہ اﷲ تعالیٰ فرماتے ہیں میں بیت اﷲ شریف کا طواف کررہا تھا کہ میں نے ایک عبادت گزار لونڈی کو دیکھا جو کعبہ شریف کے پردوں سے لٹکی ہوئی تھی اور کہہ رہی تھی کتنی ہی خواہشات ہیں جن کی لذت چلی گئی لیکن عذاب باقی ہے اے میرے رب ! کیا تیرے ہاں جہنم کے سوا کوئی اور سزا اور عذاب نہیں ہے' یہ کہہ کر وہ روتی رہی اور طلوع فجر تک وہیں کھڑی رہی حضرت سیدنا مالک فرماتے ہیں جب میں نے اسے دیکھا تو میں نے اپنا ہاتھ سر پر رکھا اور چیخ ماری میں نے کہا مالک پر اس کی ماں روئے (یعنی ہمارا کیا حال ہوگا)

روایت کیا گیا کہ عرفہ کے دن لوگ دعا مانگ رہے تھے اور حضرت سیدنا فضیل رحمہ اﷲ تعالیٰ گمشدہ بچے کی دل جلی ماں کی طرح رو رہے تھے جب سورج غروب ہونے لگا تو آپ نے اپنی داڑھی کو پکڑا اور پھر آسمان کی طرف سر اٹھایا اور فرمایا اگر تو مجھے بخش بھی دے تب بھی مجھے تجھ سے بڑی حیا آتی ہے پھر لوگوں کے ساتھ واپس تشریف لے گئے۔

حضرت سیدنا ابن عباس رضی اﷲ تعالیٰ عنہ سے ڈرنے والے لوگوں کے بارے میں پوچھا گیا تو آپ (رضی اﷲ تعالیٰ عنہُ)نے فرمایا ان کے دل خوف کی وجہ سے زخمی ہوتے ہیں اور آنکھیں روتی ہیں وہ کہتے ہیں ہم کیسے خوش ہوں جب کہ موت ہمارا پیچھا کررہی ہے قبر ہمارے سامنے ہے اور قیامت کا ہم سے وعدہ کیا گیا ہے ہم نے جہنم کے اوپر سے گزرنا ہے اور اﷲ تعالیٰ جو ہمارا رب ہے ،کے سامنے کھڑا ہونا ہے۔

حضرت سیدنا حسن بصری رحمہ اﷲ تعالیٰ ایک جوان کے پاس سے گزرے اور وہ لوگوں کی ایک مجلس میں بیٹھا ہوا