Brailvi Books

(3)…خود نیک بنئے تاکہ دوسرے بھی نیک نظر آئیں :اپنی اِصلاح کی کوشِش جاری رکھئے کیونکہ جو خود نیک ہو وہ دوسروں کے بارے میں بھی نیک گُمان (یعنی اچھے خیالات ) رکھتا ہے جبکہ جو خود بُرا ہو اُسے دوسرے بھی بُرے ہی دکھائی دیتے ہیں۔ عَرَبی مَقُولہ ہے :اِذَا سَاءَ فِعْلُ الْمَرْءِ سَاءَتْ ظُنُوْنُہ یعنی جب کسی کے کام بُرے ہوجائیں تو اُس کے گُمان (یعنی خیالات ) بھی بُرے ہوجاتے ہیں۔(1)
اِمامِ اَہلسنّت مُجَدِّد ِ دین و ملّت مولاناشاہ امام اَحمد رضا خان عَلَیْہِ رَحمَۃُ الرَّحْمٰن نَقْل فرماتے ہیں : ’’خبیث گُمان خبیث دل ہی سے نکلتا ہے ۔‘‘ (2)
مِرا  تن صفا ہو مِرا مَن صفا ہو
خدا! حُسنِ ظن کا خزانہ عطا ہو
(4)…بُری صُحبت بُرے گمان پیدا کرتی ہے:بُری صُحبت سے بچتے ہوئے نیک صُحبت اِختِیار کیجئے،جہاں دوسری بَرَکتیں ملیں گی وَہیں بدگُمانیسے بچنے میں بھی مدد حاصِل ہو گی ۔حضرتِ سیِّدُنا بِشْر بن حارِث رَحْمَۃُ اللہِ تَعَالٰی عَلَیْہ  فرماتے ہیں : صُحْبَۃُ الْاَشْرَارِ تُوْرِثُ سُوْءَ الظَّنِّ بِالْاَخْیَاریعنی بُروں کی صُحبت اچّھوں سے بدگُمانی پیدا کرتی ہے ۔(3)
بُری صحبتوں سے بچا یا الٰہی
تو نیکوں کا سَنگی بنا یا الٰہی
۔۔۔۔۔۔۔۔۔۔۔۔۔۔۔۔۔۔۔
1…فیض القدیر، ج۳، ص۱۵۷۔
2…فتاویٰ رضویہ، ج۲۲، ص۴۰۰۔
3…رسالہ قشیریۃ، باب الصحبۃ، ص۳۲۸۔