Brailvi Books

 کیونکہ اگر دنیوی مال ہلاک ہوا تو صرف دنیا کا معمولی خسارہ ہو گاجبکہ مَعَاذَ اللہ  ایمان ہی چلا گیا اور اسی پر خاتمہ بھی ہو گیا تو ہمیشہ ہمیشہ کے لئے جہنم کی بھڑکتی آگ مقدّر بن جائے گی۔ اس مدَنی بہار میں آپ نے ملاحظہ فرمایا کہ کس طرح جَامِعَۃُ الْمَدِیْنَہ کا پاکیزہ مدَنی ماحول ان اسلامی بھائی کے ایمان کی حفاظت کا سبب بنا بلکہ کرم بالائے کرم ان کی زندگی میں سنّتوں بھرے مدَنی انقلاب کا پیش خیمہ بھی ثابت ہوا، اس سے جَامِعَاتُ الْمَدِیْنَہ کی اَہمیّت کا بخوبی اندازہ لگایا جاسکتاہے۔ اس مدَنی بہار میں امامِ اہلسنّت رَحمَۃُ اللہِ تَعَالٰی عَلَیْہِ کی کتابِ مُستَطاب ’’تمہیدِایمان‘‘ کا بھی ذکر ہے جو ان اسلامی بھائی کے عقائد کی درستی میں مُعاوِن ثابت ہوئی۔ اس کتاب کا مطالعہ آج کے پُر آشوب دور میں بے حد ضروری ہے تاکہ سنّی صحیح العقیدہ مسلمانوں کو اپنوں اور غیروں کی صحیح طور پرپہچان ہو۔ اَ لْحَمْدُلِلّٰہ عَزَّوَجَلَّ عاشقِ اعلیٰ حضرت، شیخِ طریقت، امیرِاہلسنّت دَامَتْ بَرَکَاتُہُمُ الْعَالِیَہ کی ذات ِ بابرکات کی بدولت بھی بے شمار لوگ اپنے ایمان کو بچانے میں کامیاب ہوئے ہیں اور یہ سلسلہ جاری و ساری ہے۔ اسی کتاب ’’تمہیدِ ایمان‘‘ کی اہمیّت کے پیشِ نظر آپ دَامَتْ بَرَکَاتُہُمُ الْعَالِیَہ نے اپنے عطا کردہ مدنی انعامات میں ایک مدنی انعام اس کتاب کے متعلق بھی شامل فرمایا ہے ،چنانچہ مدنی انعام نمبر 71 میں فرماتے ہیں ’’کیا آپ نے اعلیٰ حضرت عَلَیْہِ رَحْمَۃُ رَبِّ العِزَّت  کی کتب تمہیدِایمان و حُسامُ الحرمین نیز