Brailvi Books
 |
ضیائے صدقات |
404 - 408
اِنَّا جَعَلْنَا مَا عَلَی الْاَرْضِ زِیۡنَۃً لَّہَا لِنَبْلُوَہُمْ اَیُّہُمْ اَحْسَنُ عَمَلًا ﴿۷﴾
ترجمہ کنزالایمان: بیشک ہم نے زمين پر سنگار کيا جو کچھ اس پر ہے کہ انہيں آزمائيں ان ميں سے کس کے کام بہتر ہيں۔(الکہف:۱۸/۷)
اور نبی اکرم صلی اللہ تعالیٰ علیہ وسلم نے فرمايا:لَا حَقَّ لِإِبْنِ آدَمَ إِلَّا فِيْ ثَلَاثٍ: طَعَامٍ يقيم صُلْبَہُ وَثَوْبٍ يوارِيْ عَوْرَتَہُ وَبَيت يسکِنُہُ فَمَا زَادَ فَھُوَ حِسَابٌ. (جامع الترمذي: أبواب الزھد)
انسان کا حق صرف تين چيزوں ميں ہے کھانا جو اس کی پیٹھ کو سیدھا رکھے اورلباس جو اس کے ستر کو چھپائے اور گھر جو اسے پناہ دے توجو کچھ اس سے زائد ہے اس کا حساب ہوگا۔
پس جو کچھ تم ان تين چيزوں ميں سے حاجت کے مطابق لوگے اس پر تمہيں ثواب ہوگا اور جو اس سے زائد لوگے اس کی دو صورتيں ہيں اگر تم نے اس ميں اللہ تعالیٰ کی نافرمانی نہيں کی تو وہ حساب کے لئے پیش ہوگا اور اگر اللہ تعالیٰ کی نافرمانی کرکے مال حاصل کيا ہے تو تمہيں عذاب کا سامنا کرنا پڑے گا۔۱؎