Brailvi Books
 |
وزن کم کرنے کا طریقہ |
9 - 16
سے خون کے لوتھڑے (کلوٹس ۔ CLOTS) بننا شروع ہو جاتے ہیں ، ٹانگوں میں بننے والے لوتھڑے پورے جسم میں خون کی روانی مُتأثّر کرتے ہیں ۔ ایک اورطبّی تحقیق کے مطابق زیادہ میٹھے اور مُرغَّن(یعنی گھی، تیل اور طرح طرح کی چکنائیوں والے ) کھانے اور مَشروبات(DRINKS) نہ صرف وزن اور موٹاپے میں اضا فے کا باعث بنتے ہیں بلکہ ان کے استعمال سے دل اور دماغ کی شریانوں (یعنی خون کی باریک نَسوں ) میں دوڑنے والا خون بھی گاڑھا ہوجاتا ہے جو دل کے دَورے یا دِماغی رگوں میں خون جمنے جیسے جان لیوا عارِضوں (یعنی بیماریوں ) کا سبب بن سکتا ہے ۔ کیا بیٹھ کر کام کرنے سے موٹاپا آتا ہے ؟ بعض بھاری بھر کم افراد اپنی صفتِ بِسیارخوری یعنی خوب کھاتے پیتے رہنے کی خصلت سے قَطعِ نظر کرتے ہوئے یہ کہتے سنائی دیتے ہیں کہ بھئی کیا کریں ، ہمارا کام ہی بیٹھنے کا ہے اس لئے وزن بڑھ اورپیٹ اُبھر گیا ہے !!! یہ ان کی غَلَط فہمی ہے ۔ ایسوں کی خدمت میں عرض ہے اِس سے پہلے کہ ڈاکٹر بھاری فیس لے کر کسی مُہلِک بیماری کی خبرِ وَحشت اثر سنا کر خوف سے ادھ مُو ا کر کے