Brailvi Books
 |
عُشر کے اَحکام |
سوال:عشر ادا کر نے میں تا خیر کرنا کیسا؟ جواب:عشر پیداوار کی زکوۃ کا نام ہے اس لئے جو احکام زکوۃ کی ادائیگی کے ہیں ،وہی احکام عشر کی ادائیگی کے بھی ہیں ۔اس لئے بغیر مجبوری کے اس کی ادائیگی میں تاخیر کرنے والا گنہگار ہے اور اس کی شہادت (یعنی گواہی ) مقبول نہیں ۔
(الفتاویٰ الھندیۃ،کتاب الزکوٰۃ،الباب الاول ،ج۱،ص۱۷۰)
سوال:اگر کوئی عشر واجب ہو نے کے باوجود ادا نہ کرے تو کیا کرنا چاہے؟ جواب:جوخوشی سے عشرنہ دے تو بادشاہ اسلام جبراً (یعنی زبردستی)اس سے عشر لے سکتا ہے اور اس صورت میں بھی عشر ادا ہو جائے گا مگر ثواب کا مستحق نہیں اور خو شی سے ادا کرے تو ثواب کا مستحق ہے۔''