Brailvi Books
 |
تعارف امیرِ اہلسنّت |
44 - 88
بھی درخواست ہے کہ اسے اپنا حق مُعاف کر دیں ۔ اگر سرکارِ مدینہ صلَّی اللہ تعالیٰ علیہ واٰلہٖ وسلَّم کی شَفاعَت کے صَدقے محشر میں مجھ پر خُصوصی کرم ہوگیا تو اِن شاءَ اللہ عَزَّوَجَلَّ اپنے قاتِل یعنی مجھے شہادت کا جام پلانے والے کوبھی جنّت میں لیتا جاؤں گابشرطیکہ اُس کا خاتِمہ ایمان پر ہُوا ہو۔
(اس سلسلے میں مزید معلومات کیلئے مَدَنی وصیت نامہ مطبوعہ مکتبۃ المدینہ کا مطالعہ فرمائیں۔)
جانوروں پر بھی شفقت
حضرت سیدنا ابو ہريرہ رضی اللہ تعالیٰ عنہ سے روايت ہے کہ حضور نبی کريم، رء وف رحيم صلی اللہ تعالیٰ عليہ والہ وسلم نے ارشاد فرمایا :''ايک فاحشہ عورت کی صرف اس لئے مغفرت فرما دی گئی کہ اس کا گزر ايک ايسے کتے کے پاس سے ہو ا جو ايک کنوئيں کی منڈير کے پاس پڑا مارے پيا س کے ہانپ رہا تھا ،قريب تھا کہ وہ پيا س سے مرجاتا ۔ اس عورت نے اپنا موزہ اتا ر کر دوپٹے سے باندھا اور پا نی نکال کر اسے پلايا تو يہی اس کی بخشش کا سبب ہو گيا ۔''