Brailvi Books
 |
مدنی مذاکرہ قسط31: جنت میں مَردوں کو حوریں ملیں گی تو عورتوں کو کیا ملے گا ؟ |
2 - 30
اَلْحَمْدُ لِلّٰہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَط اَمَّا بَعْدُ فَاَعُوْذُ بِاللہِ مِنَ الشَّیْطٰنِ الرَّجِیْمِ ط بِسْمِ اللہِ الرَّحْمٰنِ الرَّحِیْمِ ط جنت میں مَردوں کو حوریں ملیں گی تو عورتوں کو کیا ملے گا ؟ ( مَع دِیگر دِلچسپ سُوال جواب ) شیطان لاکھ سُستی دِلائے یہ رِسالہ( ۳۱ صفحات ) مکمل پڑھ لیجیے اِنْ شَآءَاللّٰہ عَزَّ وَجَلَّ معلومات کا اَنمول خزانہ ہاتھ آئے گا ۔ دُرُود شریف کی فضیلت شہنشاہِ خُوش خِصال ، پیکرِحُسن وجمال صَلَّی اللّٰہُ تَعَالٰی عَلَیْہِ وَاٰلہٖ وَسَلَّم نے اِرشاد فرمایا: جبریل ( عَلَیْہِ السَّلَام ) میرے پاس حاضِر ہوئے اور مجھے خوشخبری سُناتے ہوئے عرض کی کہ اللہ عَزَّوَجَلَّ اِرشاد فرماتا ہے : جو آپ ( صَلَّی اللّٰہُ تَعَالٰی عَلَیْہِ وَاٰلہٖ وَسَلَّم ) پر دُرُودِ پاک پڑھے گا میں اس پر رَحمت نازِل فرماؤں گا اور جو آپ ( صَلَّی اللّٰہُ تَعَالٰی عَلَیْہِ وَاٰلہٖ وَسَلَّم ) پر سلام بھیجے گا میں اس پر سَلامتی نازِل فرماؤں گا ۔ تو ( یہ سُن کر )میں اللہ عَزَّوَجَلَّ کا شکر بجا لاتے ہوئے سجدہ ریز ہو گیا ۔ ) 1) بیکار گفتگو سے مِری جان چھوٹ جائے ہر وقت کاش! لب پہ دُرُود و سلام ہو ( وسائلِ بخشش ) صَلُّوْا عَلَی الْحَبِیْب صَلَّی اللّٰہُ تَعَالٰی عَلٰی مُحَمَّد ________________________________ 1 - مسندِ امام احمد ، حدیث عبدُ الرحمٰن بن عوف الزھری ، ۱ / ۴۰۷ ، حدیث : ۱۶۶۴ دار الفکر بیروت