Brailvi Books
 |
قسط27: چور بازار سے چیزیں خریدنا کیسا؟ |
12 - 30
رہئے اِنْ شَآءَاللّٰہ اِس طرح بھى عبادت کى طرف دِل مائِل ہو جائے گا ۔ نابالغ کے پیچھے نماز پڑھنا کیسا؟ سُوال : کیا نابالغ کے پىچھے نماز پڑھى جاسکتى ہے ؟ جواب : نابالغ کے پىچھے ، نابالغ نماز پڑھ سکتا ہے ۔ (1)بالغ کى نماز نابالغ کے پىچھے نہىں ہوتى ۔ (2) اللہ پاک کو سخی کہنا کیسا؟ سُوال : اللہ پاک کو دُعا مىں سخى کہنا کىسا ہے ؟ (SMS کے ذَرىعے سُوال) جواب : دُعا اور دُعا کے عِلاوہ بھی اللہ پاک کو سخى کہنا منع ہے ۔ اللہ پاک کو سخی کہنے کے بجائے ”جَوَاد“ کہنا چاہىے ۔ (3)ہاں! پىارے آقا صَلَّی اللّٰہُ عَلَیْہِ وَاٰلہٖ وَسَلَّم کو سخى کہہ سکتے ہىں ۔ مسجد میں بلند آواز سے ڈکار لینا کیسا؟ سُوال : کچھ لوگ مسجد میں بلند آواز سے ڈکار لىتے ہىں، اىسا کرنا کىسا ہے ؟ جواب : مسجد ہو ىا غىرِ مسجد، ڈکار کى آواز کوشِش کر کے کم کرنى چاہىے ۔ (4) لىکن اگر کسى نے مسجد مىں زور سے ڈکار لى ىا بے اِختىار نکل گئى تو اس کے تعلق سے ________________________________ 1 - فتاویٰ هندية، کتاب الصلاة، الباب الخامس، الفصل الثالث فی بیان من یصلح اماما لغيره، ۱ / ۸۵ 2 - در مختار، کتا ب الصلاة، باب الامامة، ۲ / ۳۸۷ ملخصاً 3 - فتاویٰ رضویہ، ۲۷ / ۱۶۵ 4 - ملفوظاتِ اعلیٰ حضرت، ص۳۱۸ مكتبۃ المدینہ باب المدینہ کراچی