۲۔مرکب غیر مفید کی تعریف:
وہ مرکب جس کے سننے سے کوئی خبر یا طلب معلوم نہ ہو۔جیسے:سَائِقُ السَّیَّارَۃِ(گاڑی کا ڈرائیور)رَجُلٌ صَالِحٌ (نیک مرد)اسے ''مرکب ناقص ''اور ''مرکب غیراسنادی ''بھی کہتے ہیں۔
فائدہ:
ایک کلمے کی دوسرے کلمے کی طرف اس طرح نسبت کرنا کہ سننے والے کو پورا فائدہ حاصل ہو''اسناد ''کہلاتا ہے۔ جس کی طرف نسبت کی جائے اسے ''مسند الیہ''اور جس کی نسبت کی جائے ''اسے مسند ''کہتے ہیں ۔ جیسے: زَیْدٌ کَاتِبٌ میں کاتب کی جو نسبت زید کی طرف ہے اسے اسناد اور کاتب کو مسند اور زید کو مسند الیہ کہیں گے ۔