Brailvi Books

نصاب اصول حديث مع افاداتِ رضویہ

65 - 95

سبق نمبر (9)

(۔۔۔۔۔۔راوی میں طعن کے اعتبار سے خبرِ مردود کی اقسام۔۔۔۔۔۔)

طعن سے مراد راوی میں ایسی نامناسب صفات کا ہونا ہے جس کی وجہ سے حدیث مردود ہوجائے اس اعتبار سے خبرِ مردود کی چار قسمیں ہیں:

(۱)۔۔۔۔۔۔موضوع (۲)۔۔۔۔۔۔متروک(۳)۔۔۔۔۔۔منکر(۴)۔۔۔۔۔۔معلل

(۱)۔۔۔۔۔۔موضوع:

    جو جھوٹی بات گھڑ کر سرکا رصلی اللہ تعالی علیہ والہ وسلم کی طرف بطورِ حدیث منسوب کردی گئی ہو اسے موضوع حدیث کہتے ہیں۔(۱)

نوٹ:

    کسی حدیث پرموضوع ہونے کا حکم ظنِ غالب سے لگایا جاتاہے

1۔۔۔۔۔۔٭ضعفِ راویان کے باعث حدیث کو موضوع کہہ دینا ظلم و جزاف ہے۔ 

(فتاوی رضویہ ۵/۴۵۳)

    ٭بارہا موضوع یا ضعیف کہہ دینا ایک سند کے اعتبار سے ہوتا ہے نہ کہ اصل حدیث کے اعتبار سے۔  (فتاوی رضویہ ۵/۴۶۸)

    ٭ابن جوزی نے جس جس حدیث کو غیر صحیح کہا اس کا موضوع ہونا لازم نہیں آتا۔ 

(فتاوی رضویہ ۵/۴۴۱)

    ٭حدیث موضوع بالاجماع ناقابلِ انجبار، نہ فضائل وغیرہ کسی باب میں لائقِ اعتبار۔    (فتاوی رضویہ ۵/۴۴۰)