Brailvi Books

 دیکھنے سے شرم کر بلکہ ہر حال میں تجھ پر اللہ عَزَّ وَجَلَّکا فضل واحسان ہے لہٰذااس عبادت کے حصول پر تیرا کام اللہ عَزَّ وَجَلَّکی بارگاہ میں ایسی عاجزی وانکساری ہو کہ وہ تیری عبادت قبول فرما لے، کیا تونے اس کے خلیل حضرت سیِّدُناابراہیم عَلَیْہِ السَّلَام کی وہ بات نہیں سنی جو انہوں نے اپنے ربّ کے گھر کی تعمیر کے بعد کہی تھی اور اللہ عَزَّ وَجَلَّکے اس فضل پر کیسے عاجزی وانکساری کرتے ہوئے اس کے قبول ہونے کی دعا کی تھی:
رَبَّنَا تَقَبَّلْ مِنَّاؕ اِنَّکَ اَنۡتَ السَّمِیۡعُ الْعَلِیۡمُ﴿۱۲۷﴾(پ۱،البقرة:۱۲۷)
ترجمۂ کنزالایمان:اےرب ہمارےہم سے قبول فرما بے شک تو ہی ہے سنتا جانتا۔
	اور جب اپنی دعا سے فارغ ہوئے تو عرض کی:
رَبَّنَا وَتَقَبَّلْ دُعَآءِ ﴿۴۰﴾(پ۱۳،ابراھیم:۴۰)
ترجمۂ کنزالایمان:اےہمارےرب اورمیری دعا سن لے۔
	اےنفس!پھر اگر اُس نےتیری اِس کھوٹی پونجی کو قبول فرما کر تجھ پر احسان کیا تو اُس نے اپنی نعمت کو مکمل کردیا اور احسانِ عظیم فرمایا۔یہ سعادت و دولت، عزت و رِفْعت، خِلْعَت و نعمت اور ذخیرہ و کرامت  کتنی ہی اچھی ہے اور اگرتیری حالت اس کے برعکس ہو تو تیرے  نقصان  وخسارہ اور حرمان نصیبی پر افسوس۔
فوائد وثمرات:
	پس اے بندے!بیان کردہ طریقے میں مشغول ہوجاؤ ،اگرتم اس پرہمیشگی واستقامت رکھو گے، عبادت سے فراغت کے وقت دل میں اس کی تکرار کروگے اوراللہ عَزَّ وَجَلَّسے مدد مانگوگےتویہ طریقہ تمہیں مخلوق اورنفس کی طرف متوجہ ہونےسےپھیردےگا،تمہیں ریاکاری اورخودپسندی سےدورکردےگا،خالص اپنےلئےعبادات کرنےکی طرف لے