Brailvi Books

کراماتِ صحابہ

89 - 342

آپ رضی اللہ  تعالیٰ عنہ کے دورخلافت میں اسلامی حکومت کی حدود میں بہت زیادہ توسیع ہوئی اور افریقہ وغیرہ بہت سے ممالک مفتوح ہوکر خلافت راشدہ کے زیر نگیں ہوئے ۔ بیاسی برس کی عمر میں مصر کے باغیوں نے آپ کے مکان کا محاصرہ کرلیا اور بارہ ذوالحجہ یا اٹھارہ ذوالحجہ ۳۵ھ؁ جمعہ کے دن ان باغیوں میں سے ایک بدنصیب نے آپ کو رات کے وقت اس حال میں شہیدکردیا کہ آپ قرآنِ پاک کی تلاوت فرما رہے تھے اور آپ رضی اللہ  تعالیٰ عنہ کے خون کے چند قطرات قرآن شریف کی آیت

فَسَیَکْفِیْکَھُمُ اللّٰہُ(1)

پر پڑے۔ آپ رضی اللہ  تعالیٰ عنہ کے جنازہ کی نماز حضور اقدس صلی اللہ  تعالیٰ علیہ والہ وسلم کے پھوپھی زاد بھائی حضرت زبیر بن عوام رضی اللہ  تعالیٰ عنہ نے پڑھائی اورآپ رضی اللہ  تعالیٰ عنہ مدینہ منورہ کے قبرستان جنت البقیع میں مدفون ہیں۔(2)

    (تاریخ الخلفاء وازالۃ الخفاء وغیرہ)

علامہ تاج الدین سبکی رحمۃ اللہ تعالیٰ علیہ نے اپنی کتاب"طبقات"میں تحریرفرمایا ہے کہ ایک شخص نے راستہ چلتے ہوئے ایک اجنبی عورت کو گھور گھور کر غلط نگاہوں سے دیکھا۔ اس کے بعد یہ شخص امیرالمؤمنین حضرت عثمان غنی رضی اللہ تعالیٰ عنہ کی خدمت اقدس میں حاضر ہوا۔ اس شخص کو دیکھ کر حضرت امیرالمؤمنین رضی اللہ تعالیٰ عنہ نے نہایت ہی پر

1…ترجمہ کنزالایمان: تو اے محبوب عنقریب اللہ انکی طرف سے تمہیں کفایت کریگا۔(پ۱، البقرۃ:۱۳۷) 2…تاریخ الخلفاء، الخلفاء الراشدون، عثمان بن عفان رضی اللہ عنہ، ص۱۱۸، فصل فی خلافتہ، ص۱۲۲،۱۲۷۔۱۲۹ملتقطاً والاکمال فی اسماء الرجال، حرف العین، فصل فی الصحابۃ، ص۶۰۲ وازالۃ الخفاء عن خلافۃ الخلفاء، مقصد دوم، اما مآثر امیرالمؤمنین عثمان بن عفان، ج۴،ص۳۶۷