Brailvi Books
 |
اسلام کی بنیادی باتیں جلد 3 |
8 - 329
اَذکاراَسماءُ الحُسْنٰی سوال …: اَسمائے حُسنی سے کیا مراد ہے؟ جواب …: اسمائے حسنی سے مراد اللہ عَزَّ وَجَلَّ کے وہ نام ہیں جن سے اللہ عَزَّ وَجَلَّ کو پکارنے کا حکم دیا گیا ہے۔ چنانچہ پارہ 9 سورۃُ الاعراف کی آیت نمبر 180میں ہے: وَ لِلّٰهِ الْاَسْمَآءُ الْحُسْنٰى فَادْعُوْهُ بِهَا۪ ترجمۂ کنز الایمان: اور اللہ ہی کے ہیں بہت اچھے نام تو اسے ان سے پکارو۔ سوال …: اسمائے حسنی کتنے ہیں ؟ جواب …: اسمائے حسنی ہیں تو بہت زیادہ مگر مشہور 99 ہیں ۔ سوال …: اسمائے حسنی کی کوئی فضیلت بتائیے؟ جواب …: ہمارے پیارے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا فرمانِ عالیشان ہے: اللہ عَزَّ وَجَلَّ کے ننانوے (99) اسمائے حسنیٰ ہیں جس نے یہ شمار کیے (یعنی یاد کر لیے) وہ جنت میں داخل ہو گا۔ (1) سوال …: کیا یہ اسمائے حسنیٰ قرآنِ مجید میں بھی ہیں ؟ جواب …: جی ہاں ! اللہ عَزَّ وَجَلَّ کے یہ ذاتی و صفاتی نام قرآنِ کریم کی مختلف سورتوں میں موجود ہیں ۔ ________________________________ - 1 بخاری، کتاب التوحید، باب إن لله مئة اسم الا واحدا، ۴ / ۵۳۷، حدیث:۷۳۹۲