Brailvi Books
 |
اسلام کی بنیادی باتیں جلد 3 |
313 - 329
اوراد و وظائف ہر وِرد کے اوَّل و آخِر ایک بار دُرُود شریف پڑھ لیجئے ، فائدہ ظاہر نہ ہونے کی صورت میں شِکوہ کرنے کے بجائے اپنی کوتاہیوں کی شامت تصوُّرکیجئے، اللہ عَزَّ وَجَلَّ کی حکمت پر نظر رکھئے۔ ھُوَ اللّٰهُ الرَّحِیْمُ جو ہر نماز کے بعد 7 بار پڑھ لیاکرے گا اِنْ شَآءَ اللہ عَزَّ وَجَلَّ شیطان کے شر سے بچا رہے گا اور اُس کا ایمان پر خاتمہ ہو گا۔ یَا مَلِكُ 90 بار جوغریب و نادار روزانہ پڑھا کرے اِنْ شَآءَ اللہ عَزَّ وَجَلَّ غُربت سے نَجات پاکر مال دار ہو۔ یَا سَلَامُ 111بار پڑھ کر بیمار پر دم کرنے سے اِنْ شَآءَ اللہ عَزَّ وَجَلَّ شِفا حاصل ہوگی۔ یَا مُھَیْمِنُ 29بار روزانہ پڑھنے والا اِنْ شَآءَ اللہ عَزَّ وَجَلَّ ہر آفت و بلا سے محفوظ رہے گا۔ یَا فَتَّاحُ 70بار جو روزانہ بعد نماز فجر دونوں ہاتھ سینے پر رکھ کر پڑھا کرے گا اِنْ شَآءَ اللہ عَزَّ وَجَلَّ اُس کے دل کا زنگ و مَیل دُور ہوگا۔ یَا رَافِـعُ 20بار جو روزانہ پڑھا کرے گا، اِنْ شَآءَ اللہ عَزَّ وَجَلَّ اُس کی مراد پوری ہوگی۔ یَا جَلِیْلُ جو 10بارپڑھ کر اپنے مال واسباب اوررقم وغیرہ پردم کردے، اِنْ شَآءَ اللہ عَزَّوَجَلَّ چوری سے محفوظ رہے گا۔