Brailvi Books
 |
اسلام کی بنیادی باتیں جلد 3 |
136 - 329
٭… اس دن تکمیلِ خلق ہوئی۔ ٭… حضرتِ سیِّدُنا آدم صَفِیُّ اللہ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام کی مِٹّی اسی دن جمع ہوئی۔ ٭… اس دن میں لوگ جمع ہوکرنَمازِجُمُعہ ادا کرتے ہیں ۔ اس لیے اس دن کو جُمُعہ کہتے ہیں ۔(1) جمعہ کا شرعی حکم سوال …: جمعہ کا شرعی حکم کیا ہے؟ جواب …: جُمُعہ فرضِ عَین ہے اور اس کی فرضیّت کے متعلق نمازِ ظہر سے زیادہ تاکید مروی ہے۔(2) سوال …: اگر کوئی جمعہ نہ پڑھے تو اس کے متعلق کیا حکم ہے؟ جواب …: فرمانِ مُصطَفٰے صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم ہے: جو شخص تین جُمُعہ (کی نَماز) سُستی کے سبب چھوڑ دے اللہ عَزَّ وَجَلَّ اس کے دل پر مُہر لگا دے گا۔(3) سوال …: اگر کوئی جمعہ کی فرضیت کا انکار کرے تو اس کے متعلق کیا حکم ہے؟ جواب …: اگر کوئی جمعہ کی فرضیت کا انکار کرے تو وہ کافِر ہے۔(4) سب سے پہلا جمعہ سوال …: جمعہ کا آغاز کب اور کہاں ہوا؟ جواب …: جمعہ کا آغاز سرکارِ دو جہاں صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی ہجرت سے پہلے مدینہ شریف میں ہوا۔ سوال …: سب سے پہلے جمعہ کس نے پڑھایا؟ ________________________________ - 1 مراۃ المناجیح، جمعہ کاباب، ۲ / ۳۱۷بتغیر 2 - درمختار ، تتمۃ کتاب الصلاۃ، باب الجمعۃ، ۳ / ۵ - 3 مستدرک، کتاب الجمعۃ، التشدید علی التخلف عن الجمعۃ، ۱ / ۵۸۹ ، حدیث: ۱۱۲۰ - 4 درمختار ، تتمۃ کتاب الصلاۃ، باب الجمعۃ، ۳ / ۵