Brailvi Books

لوگوں کی غلطی چیونٹی کی غلطی کی طرح ہےکہ اگر کسی کاغذ پر چلےتودیکھے گی کہ قلم کی نوک کاغذ کو سیاہ کر رہی ہے چونکہ اس کی نظر کا دائرہ ہاتھ اور انگلیوں تک نہیں پہنچتا چہ جائیکہ لکھنے والے تک پہنچے لہٰذااسے غلط فہمی ہوتی ہے جس کے باعث وہ یہ  گمان کرتی ہے کہ قلم ہی سفید کاغذ کو سیاہ کررہا ہے اور یہ معاملہ  بصارت کی کمی کی وجہ سے ہے کیونکہ اس کی آنکھ چھوٹی ہے لہٰذا  وہ قلم کی نوک  سے آگے نہ دیکھ سکی۔اسی طرح   جس شخص کا سینہ نور ِالٰہی سے اسلام کے لئے نہ کھل سکا تو اس کی بصیرت زمین وآسمان کے مالک کی طرف دیکھنے سے قاصر رہی  اور تمام چیزوں پر اس کے غلبے کو نہ دیکھ پائی گویا وہ کاتب کو ہی سب کچھ سمجھنے لگا اوریہ بات  محض  جَہالت ہے۔ حالانکہ اللہ عَزَّ  وَجَلَّ اپنی قدرتِ کامِلہ سےاہْلِ کَشْف کے لئےزمین وآسمان کے ہرذرّہ کو قوت گویائی عطا فرماتا ہے جس کے ذریعہ ہر چیز گفتگو کرتی ہےیہاں تک کہ اہْلِ کشف ذرّوں سے اللہ عَزَّ  وَجَلَّ  کی تسبیح و تقدیس  اورا ن کے عاجز ہونے کی گواہی سنتے ہیں۔یہ گفتگو فصیح زبان میں ہوتی ہے کہ جس میں حروف ہوتے ہیں نہ ہی آوازیں نیز جن لوگوں میں سننے کی صلاحیت نہیں ہوتی وہ اسے نہیں سُن پاتے۔یہاں سننے سے مراد ظاہری سننا نہیں ہے کہ جس میں صرف آواز سنی جاتی ہےکیونکہ  گدھا بھی(ظاہری آواز) سنتا ہےاور جس کام میں جانور شریک ہوں وہ کوئی اہم کام نہیں ہوتا  ،سننے سے ہماری مرادوہ کلام ہے جس میں حروف وآوازیں نہ ہوں اور نہ ہی وہ کلام عَرَبی یا عجمی ہو۔
ایک سُوال اور اس کا جواب:
	اگر آپ ایسا کہتے ہیں تو یہ ایک  عجیب بات ہے جسے عقل قبول نہیں کرتی، آپ ان کے بولنے کی کیفیت بیان کیجئے کہ یہ کس طرح اور کس چیز کے ساتھ بولتے ہیں،کیسے تسبیح و تقدیس کرتے ہیں اوراپنے عاجز ہونے کی گواہی کیسے دیتے ہیں؟
	جواب :جان لیجئے !زمین وآسمان کا ہر ذرّہ اہل کشف  کے ساتھ  سر گوشی کرتا ہےجسے شمار کیا جاسکتا ہے نہ اس کی انتہا معلوم کی جاسکتی ہےکیونکہ یہ سرگوشی ایسے کلمات پر مشتمل ہوتی ہےجو کَلِماتِ الٰہی کےدریا سے مُسْتَفاد ہوتے  ہیں اور اس دریا کی کوئی انتہا نہیں۔ رب تعالیٰ فرماتا ہے:
قُلۡ لَّوْ کَانَ الْبَحْرُ مِدَادًا لِّکَلِمٰتِ رَبِّیۡ لَنَفِدَ
ترجمۂ کنز الایمان:تم فرمادو اگر سمندر میرے رب کی باتوں