Brailvi Books

 والے اور اشیاء کی حقیقتوں کو پہچاننے والے علما بھی ہیں جو اپنی نگاہِ بصیرت سے ہرانسان کے سر پر آسمان سے لٹکنے والے مکڑی کے جالے کی طرح بلکہ اس سے بھی باریک کثیر دھاگوں  کو دیکھ رہے ہیں جبکہ یہ دھاگے اس قدر باریک ہیں کہ ظاہری نگاہ سے انہیں دیکھنا ممکن نہیں اس کے باوجود علمائے راسخین  نہ صرف ان دھاگوں کا مشاہدہ کررہے ہیں بلکہ جہاں سے یہ دھاگے لٹک رہے ہیں اُس بلند مقام کو بھی ملاحظہ کر رہے ہیں اور آسمانوں پر نگہبان جن فَرِشتوں کے قبضے میں یہ دھاگے ہیں ان کا بھی مشاہدہ کررہے ہیں اور یہ فرشتے ہروقت حاملیْنِ عرش فَرِشتوں کی طرف متوجہ رہتے ہیں تاکہ رب تعالیٰ کی بارگاہ سے ان حاملیْنِ عرش فرشتوں کے ذریعے ان کے لئے جو بھی حکم آئے اس پر عمل کرنے میں کسی قسم کی تاخیر یا نافرمانی نہ ہو۔ ان علما ئے راسخین کے مشاہدات کا تذکرہ اللہ عَزَّ وَجَلَّ نے اس طرح فرمایا:
وَ فِی السَّمَآءِ رِزْقُکُمْ وَ مَا تُوۡعَدُوۡنَ ﴿۲۲) (پ۲۶، الذٰریٰت: ۲۲)
ترجمۂ کنز الایمان:اور آسمان میں تمہارا رزق ہے اور جو تمہیں وعدہ دیا جاتا ہے۔
	اور آسمانوں پر نگہبان جو فرشتے رب تعالیٰ کے حکم کے منتظر ہیں ان کا ذکر قرآن پاک میں یوں فرمایا گیا:
خَلَقَ سَبْعَ سَمٰوٰتٍ وَّ مِنَ الْاَرْضِ مِثْلَہُنَّ ؕ یَتَنَزَّلُ الْاَمْرُ بَیۡنَہُنَّ لِتَعْلَمُوۡۤا اَنَّ اللہَ عَلٰی کُلِّ شَیۡءٍ قَدِیۡرٌ ۬ۙ وَّ اَنَّ اللہَ قَدْ اَحَاطَ بِکُلِّ شَیۡءٍ عِلْمًا﴿۱۲)٪ (پ۲۸، الطلاق: ۱۲)
ترجمۂ کنز الایمان:(اللہ ہے جس نے )سات آسمان بنائے اور انہی کے برابر زمینیں، حکم ان کے درمیان اترتا ہے تاکہ تم جان لو کہ اللہ سب کچھ کرسکتا ہے اور اللہ کا علم ہرچیز کو محیط ہے۔
	یہ وہ اُمورِالٰہیہ ہیں جن کا ٹھیک پہلو اللہ عَزَّ وَجَلَّ اور اس کے بتائے سے علمائے راسخین  ہی جانتے ہیں جیساکہ حضرت سیِّدُنا ابنِ عباس رَضِیَ اللہُ تَعَالٰی عَنْہُمَافرماتے ہیں: ”علمائے راسخین کو وہ علوم حاصل ہوتے ہیں جن تک عام لوگوں کی رسائی ممکن نہیں۔“
یہی وجہ ہے کہ جب آپ رَضِیَ اللہُ تَعَالٰی عَنْہنے لوگوں کے سامنے یہ آیتِ مُبارَکہ : یَتَنَزَّلُ الْاَمْرُ بَیۡنَہُنَّ (1)
تلاوت فرمائی تو فرمایا: ”اگر میں اس آیت کا وہ معنیٰ بیان کروں جو میں جانتا ہوں تو تم مجھے پتھر مارو۔“ ایک
مـــــــــــــــــــــــــــــــــــــــــــــــــــــــــــــــــــــــــدینـــہ
… ترجمۂ کنز الایمان:حکم ان کے درمیان اترتا ہے۔(پ۲۸، الطلاق: ۱۲)