Brailvi Books

 رکاہے تو اس کے لئے نیکی لکھی جائی گی کیو نکہ گناہ کا پختہ ارادہ کرنا گناہ ہے اور اس سے بچنا اور اس کے ترک  میں نفس سے مجاہدہ کرنا نیکی ہےنیز طبیعت کے موافق گناہ کا پکا ارادہ کرلینا اللہ عَزَّوَجَلَّ سے مکمل طور پر غفلت پر دلالت نہیں کرتا اورطبیعت کاخلاف کرکےمجاہدہ کے ذریعے اس سے بچنےکے لئے قوت عظیمہ درکار ہوتی ہے تو اس کا اپنی طبیعت کے خلاف مجاہدہ کرنا اللہ عَزَّوَجَلَّ کی خاطر عمل کرنا ہےاور طبیعت کے مطابق شیطان  کی موافقت  کی کوشش کے مقابلے میں اللہ عَزَّوَجَلَّ کے لئے عمل کرنا زیادہ سخت ہے تو اسی وجہ سے اس  کےلئے  نیکی لکھی گئی کیو نکہ اس نے گناہ کو عملی جا مہ پہنانے کےپختہ  ارادے کے مقابلے میں اسےنہ کرنے کے پکے ارادے اور مجاہدے کواختیار کیااور اگر اللہ عَزَّ وَجَلَّ کے خوف کے علاوہ کسی رکاوٹ یا عذر کی وجہ سے گنا ہ سے باز رہا تو اس کے ذمے ایک گناہ لکھا جاتا ہے کیونکہ گناہ  کاپختہ ارادہ کرنا دل کا اختیاری فعل ہے اور اس تفصیل پر دلیل صحیح مسلم کی حدیث ہے۔
خوفِ خدا کے سبب گناہ نہ کرنے پر ایک نیکی:
	حضورنبیّ کریم،رَءُوْفٌ رَّحیم صَلَّی اللہُ تَعَالٰی عَلَیْہِ وَاٰلِہٖ وَسَلَّم نےارشاد فرمایا کہ فرشتے عرض کرتے  ہیں:اے رب عَزَّوَجَلَّ! یہ تیرا بندہ گناہ کرنا چاہتا ہے حالانکہ اللہ عَزَّوَجَلَّ اس بات کو خوب جانتاہے،چنانچہ ارشادفرماتا ہے:”اس کو دیکھتے رہو ،اگر یہ گنا ہ کربیٹھے تو ایک گنا ہ  لکھ دو اوراگرگناہ سے با ز رہے  تو اس کے بدلے میں ایک نیکی لکھ دو کیونکہ اس  نے  گنا ہ کو میری وجہ سے چھوڑا ہے۔(1)
	جس حدیث  میں یہ الفا ظ ہیں:”مَنْ هَمَّ بِسَيِّئَةٍ فَلَمْ يَعْمَلْهَا یعنی جوگناہ کاارادہ کرے  اور اسے نہ کرے“اس میں بھی گناہ کے ارادے پر عمل  نہ کرنے سے مراد  اللہ عَزَّوَجَلَّ کے خوف سے گناہ چھوڑنا ہے۔
لوگوں کو ان کی نیتوں پر اٹھایاجائے گا:
	بہرحال جب کوئی شخص کسی گناہ کا عزم کر ے پھر کسی سبب سے اس کے لئے گناہ کرنا مشکل ہو جائے یا غفلت کے باعث  اس گناہ کو نہ کر سکےتو اس کے لئے کیسےنیکی لکھی جائے گی؟حضورنبیّ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:”اِنَّمَا یُحْشَرُ النَّاسُ عَلٰی نِیَّاتِھِم یعنی بےشک (قیامت میں)لوگوں کو ان کی نیتوں پر اٹھایاجائے گا۔“(2)
مـــــــــــــــــــــــــــــــــــــــــــــــــــــــــــــــــــــــــدینـــہ
1… مسلم،کتاب الايمان،باب اذاهم العبدبحسنة…الخ،ص۷۹، حديث:۱۲۹
2…سنن ابن ماجه،کتاب الزهد،باب النية،۴/ ۴۸۳، حديث:۴۲۳۰