صَلُّو ا عَلَی الْحَبِیب ! صلَّی اللہُ تعالیٰ علیٰ محمَّد
میٹھے میٹھے اسلامی بھائیو! عُلماء اور اولیاء مسلمانوں کی ہر قوم اور ہر پیشہ کرنے والوں میں ہوتے رہے اور قِیامت تک ہوتے رہیں گے۔ فضلِ خداوندی کسی نسل یا قوم ہی کے ساتھ مخصوص نہیں ۔ اللہ عَزَّوَجَلَّ جس کو چاہتا ہے اپنی رَحمت سے نوازدیتا ہے ۔ رُوئے زمین پر مُتَعَدَّد اولیاء ُاللہ رَحِمَہُمُ اللہُ تعالیٰ ہر وَقت موجود رہتے ہیں اور انہیں کی بَرَکت سے دنیا کا نظام چلتا ہے۔ چُنانچِہ
حضرت سیِّدُناشاہ عبدُالعزیز مُحَدِّث دِہلَوی علیہ رحمۃ القوی سے کسی شخص نے شکایت کی کہ حُضُور!کیا وجہ ہے کہ آج کل دِہلی کاانتِظام''بَہُت سُست''ہے؟ فرمایا، آج کل یہاں کے صاحِبِ خدمت (یعنی ابدالِ دِہلی)سُست ہیں ۔ پوچھا ، کون صاحِب ہیں؟فرمایا،فُلاں پھل فروش جوفُلاں بازار میں خَربوزے فروخت کرتے ہیں ۔ پوچھنے والے صاحِب اُن کے پاس پہنچے اور خربوزے کاٹ کاٹ کر اور چکھ چکھ کر سب ناپسند کر کے ٹوکرے میں رکھ دیئے ۔ اِس قَدَر نقصان کر دینے