اَلحمدُ للہ عَزَّوَجَلَّ دعوتِ اسلامی کے مَدَنی ماحول سے وابَستگی اور مَدَنی قافِلوں میں سفر اصلاحِ عقائد و اعمال کے بہترین ذَرائِع ہیں چُنانچِہ
(۴۴)میں شرابی اور چور تھا
بمبئ (الھند)کے اسلامی بھائی کا بیان کچھ اِس طرح ہے کہ مجھے غَلَط صُحبت کے سبب کم عُمری ہی میں شراب اور جوآ (جُو۔آ)کی لت پڑگئی تھی، ہیرے اور سونے کی اسمگلنگ میں مَہارت کے باعِث میں اِس میدان میں ''کِنگ''مشہور تھا ۔ ہمار ے گھر کے قریب دعوتِ اسلامی والے ہر جُمُعہ کوجَمْع ہوکر درس و بیان کا سلسلہ کیا کرتے تھے ،میری ماں مجھ سے شرکت کا کہا کرتی مگر میں ٹال دیاکرتا ۔آخِرکا ر ماں کی اِنفرادی کوشِش کی بَرَکت سے ایک بار شریک ہو ہی گیا ،مجھے مُبلِّغ کا اندازِبیان تو پسند آیا مگر پلّے کچھ نہ پڑا ،اِختِتام پر مجھ پر مُبلِّغ نے اِنفرادی کوشِش کرتے ہوئے ، بمبئ کے عَلا قہ گُوَنڈی (گُ۔وَنْڈی) میں ہونے والے ہفتہ وار سنّتوں بھرے اجتماع کی دعوت پیش کی ،میں نے حامی بھرلی۔
