Brailvi Books

بھی پرہیز کرتے تھے ۔قاضی(یعنی جج )کی آمدنی اگر چِہ حرام کی نہیں ہوتی تاہَم ان کا مکمَّل طور پر انصاف کرنا دُشوار ہوتا ہے اگروہ انصاف سے کام لیں تب بھی چونکہ وہ گورنمنٹ کے ملازم ہوتے ہیں اور ان کی تنخواہ حُکومت ادا کرتی ہے اور حکمران عُمُوماً ظُلم و عُدوان سے بچ نہیں پاتے نیز ان کے خزانے میں رقم کا ستھرا ہونا بھی مشکِل ہو تا ہے کہ یہ لوگ اکثر ظُلم کے ذَرِیعے مال حاصِل کرتے ہیں۔لہٰذا محض تقویٰ اور احتیاط کے سبب حضرتِ سیِّدُنا امام احمد بن حنبل رحمۃ اللہ تعالیٰ علیہ نے قاضی کے خمیر والی روٹی نہیں کھائی اور جب وُہی روٹی دریائے دِجلہ میں ڈالی گئی تو وہاں کی مچھلی کھانی بھی ترک فرما دی کہ کہیں ایسی مچھلی پیٹ میں نہ چلی جائے جس نے وہ روٹی کھائی ہو!