مذکورہ بالاواقعات میں جن اسلامی بھائیوں اور بہنوں کی کلمہ پاک کا ورِد کرتے ہوئے دنیا سے قابلِ ِ رشک انداز میں رخصتی کا بیان ہے اور وہ خوش نصیب جن کے بدن وکفن ایک عرصہ گزر جانے پر بھی سلامت تھے اور ان کی قبروں میں خوشبو کا بسیرا تھا ، ان خوش نصیبوں میں یہ نسبتیں یکساں دیکھیں گئیں کہ یہ تمام اسلامی بہنیں اور بھائی ۔۔۔!
(۱) عقیدہ توحید و رِسالت کے داعی ،(۲)نبیِ کریم صلی اللہ تعالیٰ علیہ واٰلہٖ وسلم کے غلام، (۳)صحابہ کِرام، اَہلِ بیت اوراولیائے کاملین کے مُحِبّ ،(۴)چاروں آئمہ عُظام کو ماننے والے اور کروڑوں حَنَفیوں کے عظیم پیشوا سیدُناامامِ اعظم ابو حنیفہ رضی اللہ تعالیٰ عنہ کے مُقَلِّد یعنی حَنَفی تھے ،(۵)مسلک ِاعلیٰ حضرت علیہ رحمۃ پرکاربند تھے،(۶) تبلیغِ قرآن وسنت کی غیر سیاسی عالمگیر تحریک دعوتِ اسلامی کے مَدَنی ماحول سے وابستہ اور زمانے کے ولی شیخِ طریقت امیرِ اَہلسنّت دامت برکاتہم العالیہ کے مرید تھے ۔